తులసి ఆరాధన

"తులసి అన్ని విధాలుగా శుభకరమైనది. మామూలుగా చూడటం ద్వారా, తాకడం ద్వారా, ప్రార్ధించడం ద్వారా, వందనం చేయడం ద్వారా, తులసి గురించి వినడం ద్వారా, లేదా తులసి మొక్కను నాటడం ద్వారా ఎల్లప్పుడూ శుభకరముగా  నుండును. ఈ విధముగా  ఎవరైనా తులసి చెంత ఉండటం ద్వారా వారు శాశ్వతంగా వైకుంఠములో నివసించగలరు."                                                                                                                                                               -- స్కంద పురాణం

తులసి పూజను దాదాపుగా చాలా సులభంగా చేయవచ్చు. దీనికి కావలసిన పూజ ద్రవ్యాలు  మూడు మాత్రమే: అగరబత్తి, ఒక నేతి దీపం, మరియు  పువ్వులు. 

తులసిని పూజించే ముందు ఈ క్రింది తులసి ప్రణామ మంత్రమును మూడు  సార్లు చెప్పండి.

శ్రీ తులసీ ప్రణామ మంత్రము

వృందాయై తులసీదేవ్యాయై ప్రియాయై కేశవస్య చ

విష్ణుభక్తిప్రదే దేవీ! సత్యవత్యాయై నమో నమః

కేశవునికి ప్రియమైన ఓ వృందాదేవీ! తులసీ దేవీ! నీవు విష్ణుభక్తిని ప్రసాదింపగలదానివి మరియు పరమ సత్యవతివి. అటువంటి నీకు నా పరిపరి ప్రణామములు. 

తులసిని జాగ్రత్తగా చూసుకొనుట

• భక్తియుత సేవకు తులసి మొక్క మరియు తులసి ఆకులు చాలా ముఖ్యమైనవి. ప్రతి రోజు భక్తులు తులసికి నీరు పోయుట మరియు భగవంతునికి తులసి ఆకులు కోయుట  అనేవి విధిగా చేయాలి అని తెలుపబడింది.                                                                                                                --- శ్రీ మద్భాగవతం 3.15.9 భాష్యం

• తులసి మహత్మ్యం: ఎవరైనా ఎక్కడైనా ఒక తులసి మొక్కను నాటితే, వారు శ్రీ కృష్ణునికి భక్తులు అవుతారు. కృష్ణుని పాదాలకు భక్తితో తులసి ఆకులను అర్పిస్తే, వారిలో భగవత్ప్రేమ సంపూర్ణంగా వృద్ధి చెందును.                                                                                                                                              -- స్కంద పురాణం

• విష్ణువుకు తులసి చాలా చాలా ప్రియము. విష్ణు తత్త్వ శ్రీ విగ్రహాలకు తులసి ఆకులు మెండుగా అవసరము. శ్రీ  విష్ణుకు తులసి మాల ప్రీతికరం. తులసి ఆకుతో గంధం తీసుకుని, ఆ భగవంతుని పాదాల చెంత ఉంచడం అనేది ఉత్తమోత్తమమైన ఆరాధన.                                -- గోవిందకు శ్రీల ప్రభుపాద లేఖ, 7 ఏప్రిల్ 1970

• తులసి ఆకులను పగటి సమయమున ప్రత్యేకించి దీని కొరకే ఉంచిన ఒక కత్తెరతో కోయాలి. చీకటి పడిన తరువాత కోయరాదు. 

• తులసి చుట్టూ ప్రదక్షిణ చేసేటప్పుడు కానీ లేదా  అర్ఘ్యం అర్పించేప్పుడు కానీ తులసికి ఎలాంటి బాధ కలుగకుండా చూసుకోవాలి.

• తులసి ఒక సాధారణ మొక్క కాదు, ఒక గొప్ప శుద్ధ భక్తురాలు అని గుర్తుపెట్టుకోండి.

• తులసి మంజరిలు మొదలవగానే తెంపేయండి, లేదంటే వాటి విత్తనాల నుండి చాలా మొక్కలు వచ్చి మనం సరియైన శ్రద్ధ తీసుకోలేకపోవచ్చు. ఈ విధంగా చేయడం వలన తులసి కూడా బలంగా మరియు ఆరోగ్యవంతంగా ఎదుగుతుంది.

• జంతువులు వలన తులసికి ఎలాంటి  ఇబ్బంది రాని ప్రదేశంలో ఉంచండి (కుక్కలు మూత్రం పోస్తాయి, గొర్రెలు ఆకులు తింటాయి).  నడిచే మార్గానికి దూరంగా ఉంచాలి, లేదంటే మార్గంలో వెళ్ళే జనులు తెలియకుండా తాకే అవకాశం ఉంది. తులసిని గౌరవించడం పిల్లలకు (పెద్దలకు కూడా) నేర్పాలి. వేసవి కాలంలో నీడలో ఉంచాలి, 43 డిగ్రీల ఎండ అంతగా తులసికి నచ్చదు. చలి ప్రదేశాలలో ఉన్నవారు, తులసి వద్ద కృత్రిమ వెలుతురును ఉపయోగించాలి.

• తులసి  నందు ఔషధ గుణములు ఉన్ననూ, ఆ విధంగా ఆలోచించరాదు. ఆమె శుద్ధ భక్తురాలు మరియు మనచే పూజార్హురాలు. మరి ఏ ఇతర కారణంతో కాకుండా తమ భక్తిని వృద్ధి చేసుకొనుటకు మాత్రమే భక్తులు తులసిని పెంచాలి. భక్తితో విష్ణు శ్రీవిగ్రహ మరియు ప్రతిమల పాదాలకు తులసి ఆకులను అర్పించాలి, మరి ఏ ఇతరలెవరికి అర్పించరాదు. అనగా తులసి ఆకులను శ్రీ కృష్ణుని, శ్రీ నరసింహదేవునికి, శ్రీ చైతన్య మహాప్రభుకి, శ్రీ నిత్యానంద ప్రభుకి, అద్వైత ప్రభు మొదలైన వారి పాదాలకు మాత్రమే అర్పించాలి. రాధారాణి, గదాధర పండితుడు, శ్రీనివాస పండితుడు, మరియు పరంపర ఆచార్యుల పాదాలకు అర్పించరాదు. శ్రీ విగ్రహారాధన నందు కృష్ణుని పాదాలకు అర్పించడానికి గురువు కుడి చేతి యందు తులసిని ఉంచవచ్చు. భోగ (భగవంతుని కొరకు చేసిన  పదార్ధాలు) నివేదనకు కూడా తులసి ఆకులు చాలా అవసరము.