(1) నృసింహ-కవచం వక్ష్యే

ప్రహ్లాదేనోదితం పురా

సర్వ-రక్షా-కరం పుణ్యం

సర్వోపద్రవ-నాశనం

(2) సర్వసంపత్కరం చైవ

స్వర్గమోక్ష ప్రదాయకం

ధ్యాత్వా నృసింహం దేవేశం

హేమ-సింహాసన-స్థితం

(3) వివృతాస్యం త్రినయనం

శరద్-ఇందు-సమ-ప్రభం

లక్ష్మ్యాలింగిత-వామాంగం

విభూతిభిర్ ఉపాశ్రితం

(4) చతుర్భుజం కోమలాంగం

స్వర్ణ-కుండల-శోభితం

సరోజ-శోబితోరస్కం

రత్న-కేయూర-ముద్రితం

(5) తప్త-కాంచన-సంకాశం

పీత-నిర్మల-వాససమ్

ఇంద్రాది-సుర- మౌలిష్ఠః

స్ఫురన్ మాణిక్య-దీప్తిభిః

(6) విరాజిత-పద-ద్వంద్వం

శంఖ-చక్రాది-హేతిభిః

గరుత్మతా ఛ వినయాత్

స్తూయమానం ముదాన్వితం

(7) స్వహృత్కమల-సంవాసం

కృత్వా తు కవచం పఠేత్

నృసింహో మే శిరః పాతు

లోక-రక్షార్థ-సంభవః

(8) సర్వగో 'పి స్తంభవాసః

ఫలం మే రక్షతు ధ్వనిం

నృసింహో మే దృశౌ పాతు

సోమసూర్యాగ్నిలోచనః

(9) స్మృతం మే పాతు నృహరిః

మునివార్య-స్తుతిప్రియః

నాసం మే సింహ- నాశస్ తు

ముఖం లక్ష్మీముఖప్రియః

(10) సర్వ-విద్యాధిపః పాతు

నృసింహో రసనం మమ

వక్త్రం పాత్వ్ ఇందువదనం

సదా ప్రహ్లాదవందితః

(11) నృసింహః పాతు మే కంఠం

స్కంధౌ భూభృద్ అనంతకృత్

దివ్యాస్త్ర-శోభిత-భుజః

నృసింహ పాతు మే భుజౌ

(12) కరౌ మే దేవ-వరదో

నృసింహః పాతు సర్వతః

హృదయం యోగిసాధ్యశ్చ

నివాసం పాతు మే హరిః

(13) మధ్యం పాతు హిరణ్యాక్ష-

వక్షః-కుక్షి-విదారణః

నాభిం మే పాతు నృహరిః

స్వ-నాభి-బ్రహ్మ-సంస్తుతః

(14) బ్రహ్మాండ-కోటయః కట్యాం

యస్యాసౌ పాతు మే కటిమ్

గుహ్యం మే పాతు గుహ్యానాం

మంత్రానాం గుహ్య-రూప-ధృక్

(15) ఊరూ మనోభవః పాతు

జానునీ నర-రూప-ధృక్

జంఘే పాతు ధరా-భార-

హర్తా యే 'సౌ నృ-కేశరీ

(16) సుర-రాజ్య-ప్రదః పాతు

పాదౌ మే నృహరీశ్వరః

సహస్ర-శీర్షా-పురుషః

పాతు మే సర్వశస్ తనుమ్

(17) మనోగ్రః పూర్వతః పాతు

మహా-వీరాగ్రజో 'గ్నితః

మహావిష్ణుర్ దక్షిణే తు

మహాజ్వలస్తు నైఋతః

(18) పశ్చిమే పాతు సర్వేశో

దిశి మే సర్వతోముఖః

నృసింహః పాతు వాయవ్యాం

సౌమ్యాం భూషణవిగ్రహః

(19) ఈశాన్యాం పాతు భద్రో మే

సర్వ-మంగల-దాయకః

సంసార-భయతః పాతు

మృత్యోః మృత్యుర్ నృకేశరీ

(20) ఇదం నృసింహ-కవచం

ప్రహ్లాద-ముఖ-మండితం

భక్తిమాన్ యః పఠేన్నిత్యం

సర్వ-పాపైః ప్రముచ్యతే

(21) పుత్రవాన్ ధనవాన్ లోకే

దీర్ఘాయుర్ ఉపజాయతే

యం యం కామయతే కామం

తం తం ప్రాప్నోతి అసంశయం

(22) సర్వత్ర జయం ఆప్నోతి

సర్వత్ర విజయీ భవేత్

భూమి అంతరీక్ష-దివ్యానాం

గ్రహాణాం వినివారణమ్

(23) వృశ్చికోరగ-సంభూత-

విషాపహరణం పరమ్

బ్రహ్మ-రాక్షస-యక్షాణాం

దూరోత్సారణ-కారణం

(24) భుజే వా తలపాత్రే వా

కవచం లిఖితం శుభం

కరమూలే ధృతం యేన

సిధ్యేయుః కర్మసిద్ధయః

(25) దేవాసుర-మనుష్యేషు

స్వం స్వం ఏవ జయం లభేత్

ఏక సంధ్యం త్రిసంధ్యం వా

యః పఠేన్నియతో నరః

(26) సర్వ-మంగల-మాంగల్యం

భుక్తిం ముక్తిం చ విందతి

ద్వా-త్రింశతి-సహస్రాణి

పఠేత్ శుద్ధాత్మనామ్ నృణాం

(27) కవచస్యాస్య మంత్రస్య

మంత్ర-సిద్ధిః ప్రజాయతే

అనేన మంత్ర-రాజేన

కృత్వా భస్మాభిర్ మంత్రాణామ్

(28) తిలకం విన్యసేద్ యస్ తు

తస్య గ్రహ-భయం హరేత్

త్రి-వారం జపమానస్తు

దత్తం వార్యాభిమంత్ర్య చ

(29) ప్రసయేద్  యో నరం మంత్రం

నృసింహ-ధ్యానం ఆచరేత్

తస్య రోగః ప్రణశ్యంతి

యే చ స్యుః కుక్షి-సంభవాః

(30) కిమత్ర బహునోక్తేన

నృసింహ సదృశో భవేత్

మనసా చింతితం యత్తు

స తచ్చాప్నోత్య సంశయం

(31)  గర్జంతం గార్జయంతం నిజ-భుజ-పటలం స్ఫోటయంతం హతంతం

రూప్యంతం తాపయంతం దివి భువి దితిజం క్షేపయంతం క్షిపంతమ్

క్రందంతం రోషయంతం దిశి దిశి సతతం సంహరంతం భరంతం

వీక్షంతం పూర్ణయంతం కర-నికర-శతైర్ దివ్య-సింహం నమామి